المستقبل اصبح للبيانات المنظمه json-ld

0 13

المستقبل اصبح للبيانات المنظمه json-ld لازم كل واحد يشوف طريقه مظبوطه يخلى كل مواضيعه متضمنه للبيانات دى وعندك 3 طرق ابحث عنها واعرف اكتر فيها


1- من خلال اداه تحديد البيانات فى جوجل سيرش كونصول
2- من خلال عمل تاج جديد ووضع الشفره الصحيحه فيه ضمن حسابك على جوجل تاج مانجر وبعد ربط الاداه بالموقع بتاعك
3- من خلال المحرر الجديد على وورد بريس ومن اضافه يوست سيو المدفوع

لازم تشوف حل سريع وضرورى علشان تلحق نفسك وتقدم نفسك للناس بايدك لان جوجل لم يعد قادرا على تقديمك بشكل تلقائى وده مش سر لان جوجل اصبح يشعر بالتخمه والارهاق من كتر الصفحات والكلمات المطلوب جلبها يوميا
مليارات الصفحات ومليارات مليارات الكلمات الرئيسيه فطبيعى اى جهاز فى العالم يحس بالتقصير ولو لبعض الوقت واكيد انت شوفت ده بنفسك

البيانات المنظمه + توزيع الكلمات الرئيسيه اهم مليون مره من سرعه الموقع
لان سرعه بدون تنظيم وارسال كامل البيانات الصحيحه ملهاش لزمه

المزيد من المشاركات
1 من 3

انا وانت وهو وغيرنا وكل الناس حولنا انتباهنا كله لموضوع زياده السرعه على حساب تنظيم المحتوى ودى كارثه مفروض ننتبهه ليها ونعالجها

عندك 3 طرق اهى تقدر تفضى نفسك شويه وتبحث عنها وتتعلمها وتظبطها واعطى لها اهتمام زائد شويه وبصراحه انا جيت اعمل بوست عن كل طريقه لقيت ان الموضوع متشعب جدا ومينفعش يكون فى بوست او اتنين لكن نصيحتى هى الاهتمام الاول والاخير على نفسك فى ارسال كل بياناتك وشغلك بايدك ولا تنتظر جوجل انه يجلبها تلقائى لانه لن يفعل بعد الان

جوجل برغم هبوط الرسم البيانى لاستخدام المحرك بدرجه فظيعه إلا ان ارباحه صاعده جدا ودى مفارقه عجيبه لا يصتعها غير واحد دارس ومحلل وعارف كويس اوى هو بيعمل ايه, كون ان الطلب على السلعه يخف ومع ذلك الارباح تزيد يبقى نموذج عبقرى فى الاداره والتحليل

خليك انت كمان زى جوجل وحاول تحلل وتدرس وتفحص وتشتغل صح علشان تكسب كتير بعدد زوار اقل وبسلاح الكلمات الرئيسيه + البيانات المنظمه

كل نفسك قبل ما حد ياكلك واكتب الوصف التعريفى بايدك واكتب العنوان اللى يشد الزبون بايدك وقول لجوجل انا اهو وجميع بياناتى كامله اهى ومش هتعبك ف البحث لاء انا جاهز واتفضل قدم اوراقى لكل الناس زى الصوره اللى ف البوست دى, كان الاول بيظهر واحد وهلا بيظهر اتنين, تخيل اتنين يا مؤمن وبكره الصفحه كلها هتبقى كده واللى مش معاه بطاقه هيطلع بره وملوش ضامن للاسف

اترك رد

لن يتم نشر عنوان بريدك الإلكتروني.