زمان كنت بجرب حاجات كتيره من اللى كنت بشوفها اثناء بحثى عن المعلومات

0 14

زمان كنت بجرب حاجات كتيره من اللى كنت بشوفها اثناء بحثى عن المعلومات وكنت احب اوى انى اطبق اللى اقراه علشان المعلومه تثبت فى دماغى ومش مهم بقى اذا كنت هستمر فيها اولاء انما كان عندى فضول انى اتأكد من صحه المعلومه فكنت بطبقها ومن ضمن الحاجات الجميله اللى طبقتها هو عمل صفحه فيسبوك مخصصه فقط عن مقاله واحده, يعنى مش عن الموقع كله او قسم محدد لاء

صفحه مخصصه عن مقاله او موضوع واحد وفعلا جربتها وكانت لها نتايج مبهره
وبعدها لقيت ناس كتيره نسخت البوستات بتاعتى كلها من ع الصفحه وخدتها عندها

المزيد من المشاركات
1 من 3

انت متخيل يعنى ايه تبقى صفحه فيسبوك متخصصه بالكامل عن موضوع واحد ومليانه بوستات وصور وشروحات عن جميع جوانب الموضوع وبعد اسبوع بتظهر على بحث جوجل كأول نتيجه واللى يدخل عليها يروح الفيس وبعدها يروح على الموضوع يعنى 100% زائر مستهدف جاى مخصوص علشان ياخد معلومه قد اجمع الكبار ( فيسبوك وجوجل ) على انه اخصائى محترف فى هذا الموضوع بالذات

وكان بيجيلى اجانب وعرب ويبعتوا رسايل ع الصفحه ويدخلوا من الصفحه على الموقع وكلنا كنا بنستفيد من بعض بسهوله نقل البيانات

فكر فى تجربه هذه الخدعه الشرعيه الان لحد ما افتكر كمان خدعه واقولك عليها واتوقع ان الخدعه الجايه هتكون خاصه بالاسكيما وربطها بمباريات البث المباشر فى اوقات مواعيد المباريات الهامه هفتكرها مع نفسى واشوف انا عملت ايه وهنزلها لكم برضوا وهتعرفوا ازاى وانا موقعى ملوش اى دعوه خالص بالرياضه ولكن بمجرد اضافه اكواد معينه من الاسكيما جالى مع بدايه المباراه حوالى 2000 زائر من بحث جوجل المجانى ورغم ان التجربه عجبتنى لكنى من النوع الملتزم تماما بتخصص موقعى الاساسى

اترك رد

لن يتم نشر عنوان بريدك الإلكتروني.